Autogestioa

Autogestioa da pertsonen askatasunerako giltza, buruaski egin eta agintari zein instituzioen kontrolpetik babesten gaituena. Gure ekimen bakar batek ere (konponketa lanek, jarduera soziokulturalek, €) ez du diru laguntza publiko zein pribaturik jaso, ezta jasoko ere. Ez da ofizialki ezarrita dauden funtzionamendu araurik betetzen, beraz, esan dezakegu mugimendu alternatibo bat dela, instituzio eta lege ofizialekin loturarik ez duen mugimendua. Instituzioetako dirua hartzeak arazo larriak ekar ditzakeela uste dugu, horien artean diru laguntza eman dutenekiko nolabaiteko menpekotasuna (nahiz eta paperetan idatzirik ez etorri). Are gehiago, diru laguntza hauek jasotzeak ez du inolako ziurtasun edo babesik ematen, Bilboko Gaztetxea da adibide argiena, haiek diru laguntzok jasota ere, kalera bidali baitzituzten. Hala eta guztiz ere, ikuskizun guztiak dohainik ala prezio herrikoietan izan ohi dira, kalitatea eta diru kopurua erabat lotuta aurkezten duen eskaintzaren aurrean, eredu kontrajarri bikaina izanik. Hau litzateke autogestioa. Askatasunean garatu nahi dugu gure burua, inoren menpe egon gabe, azken finean, sistema injustu honek markatzen dituen baloreetatik kanpo lan egitea eta bizitzea, gure helburuetako bat sistemaren eraldaketa dela ahaztu gabe. Hau guztiagatik, Gaztetxeak ez du instituzioetatik diru laguntzarik jasotzen.