GEHIEGIZKO ZORIONA

---

Orain dela aste bat ene urtebetetze egunean...

...arrosak, ene lagunak esan dit:

-         ezer gutxi gara!

Egunsentian sortu naiz

ihintzez bataiatu naiz.

Zoriontsu ireki naiz

eta eguzki-errainuaz maitemindu.

Gauean itxi naiz,

zaharturik iratzarri naiz! 

Oso polita nintzen

Zure lorategiko lorerik ederrena, bai!

-         ezer gutxi gara!

esan dit gaur goizean arrosak,

ene lagunak.

Burumakur ikusten nauzu

Eta ni amiltzen naizela sentitzen naiz,

Erortzen naizela.

Ene bihotza ia biluzik dago

Oina lokatzetan dut

Jadanik ez naiz ezer

Norbait izango ote naiz? 

Atzo miretsi ninduzun

Bihar hauts izango naiz betiko

Gaur ezer gutxi garela esan dit arrosak,

Ene lagunak.

Ilargiak bart ene laguna zahartu du

Nik, gauetan

Ametsetan

Bere arima dantzan distiratsu ikusi dut. 

Han begien bistan ikusi nuen

Irribarre egin zidala,

Sinesten dut sinetsi dezakedana

Nik itxaropena behar dut

Bestela ez naiz ezer

Norbait izango al naiz?

-         ezer gutxi gara!

esan dit gaur goizean arrosak

Ene lagunak. 

Burumakur ikusten nauzu

Eta ni amiltzen naizela sentitzen naiz

Erortzen.

Ene bihotza ia biluzik dago

Oina lokatzetan dut

Jadanik ez naiz ezer

Norbait izango ote naiz?

Atzo miretsi ninduzun

Bihar hauts izango naiz betiko

Gaur arantzadun arrosa bat naiz

Baina ez zaitut mindu nahi,

Leun laztandu nahi zaitut.