ABUZTUKO ETENA

Zu kapullo

            Ni ero

Ero eta bero

            Autentikoa ni

            Zu bakarra

Bakarra zara enetzat

Eroturik al nago?

Eroturik baino 

            zuganako maitasunak erakutsi dit

            bizitzaren zentzua,

            eta

            zure azaleko usainak eramaten nau bideetan galtzera.

Zure ahotsak oroitarazten dit

            bazarela norbait ene bizitzan.

Jada ez dago atzera bueltarik,

            eta ni ero,

                        Egunero,

                        zutaz oroitzen naiz,

                                   Gauero,

                                   zurekin amets egiten dut

                                   eta horrela gero eta gehiago,

                                                           gero eta sakonago,

                                                                       eta mingarriago

                                                                       zutaz enamoratzen naiz.

                                                                                  Gehiago.

Jada ez dago atzera bueltarik!

            Zu ezagutu zintudan egunean hasi baitzen

            neure HISTORIA idazten.

Ordurartekoa HISTORIAURREA besterik ez da izan,

            Idatzi gabeko historia xumea

                        ahozko historia edo

                                   urrutiko kondaira bat,

                                   gure bilobei kontatzeko moduko elezaharra.

Zu kapullo

            Ni ero,

                        Egunero,

                                   Goizero

hasierarik eta bukaerarik gabeko gure historia xume hau biziberritzen dudalako

                                   eta

                                   hala segitzeko ausardia dudalako.