Gezurrek mundua lotua dute

---

                        

 

               Huts egiteak estaltzeko bide izan daiteke gezurra,

                                         zuzena ala okerra,

                       baina akatsetatik ihes egiteko bidezidorra.

 

                  Gezurraren jantziak mila kolore izan ohi ditu,                             beti joaten da hitz ederrez hornitua.

          Hainbat itxurakeria babestu eta estali nahi balitu bezala.

 

                    Besteen oinazean pentsatzen ez den bezala,

                        geurean pentsatzeari utzi geniezaioke.

                                  Baina nahiago izaten dugu

          gure buruan sortzen ditugun “egi” horiek sinestea,

                           besteen “gezurrei” erreparatu gabe.

 

                                  Bizitzearen edertasuna,

                       gezurrak sinesten jakitearen artea da.

             Baina arte horri buruz jakin dezakegun bakarra,

                            askotan egia zer den jakin gabe

                            gezurra zer den badakigula da.