Gezurrari poema

Gezurra, gezurrak, gezurrek...

min egiten dute, min egiten digute.

Ziztada sentitzen dugu gezurra esaten digutenean

urdaila uzkurtzen zaigu gezurra esaten dugun bakoitzean.

Agian ez lukete hala izan behar,

baina zorionez edo zoritxarrez

gure egunerokotasunaren parte dira jada.

Denok bizi gara gezurrez inguraturik,

gezur nimiñoak, txikiak, ertainak ala handiak,

berdin du tamainak, zailak baitira neurtzen.

Batzuetan beharrezkoak dira gezurrak

biziak jartzen dizkigun oztopoei aurre egiteko,

maite ditugunei indarra eta kemena emateko

ametsengatik borrokan jarraitzeko.

Batzuetan denok gezur handi batean bizi garela iruditzen zait,

gure bizia gezur izugarria dela,

eta egia esan hala bada, gezur handi hau gustuko dut.