Biktima guztien mina aitortu dute Gernikako Akordioaren sinatzaileek eta dolua adierazi diete horiei

Gernikako Akordioaren sinatzaileek gatazkak biktimengan eragin duen mina aitortu dute gaur, Donostiako Aiete jauregian egin duen agerraldian, adierazpen batekin. Agerraldian izan dira ezker abertzaleko ordezkariak ere: "Euskal Herrian indarkeria guztiek sortu dituzten mina eta oinazea aitortzen ditugu, bai ETAren indarkeriak bai espainiar nahiz frantziar estatuen errepresio estrategiak eta gerra zikinak hildako biktima guztien senideei, baita kalte fisiko edo psikikoak jasan dituztenei ere, gure dolua adierazi nahi diegu", esan dute adierazpenean.

Biktima guztien mina izan dute hizpide Gernikako Akordioaren sinatzaileek, eta gatazkaren konponbiean bide orria Gernikako Akordioa bera dela azpimarratu dute.

Gernikako Akordioa 2010eko urriaren 25ean sinatu zuten ezker abertzaleak, Aralarrek, EAk, ABk eta Alternatibak, hainbat eragilerekin batera, eta Akordioan biktimen aitortza jasotzen zen eman beharreko pausoen artean: "Indarkeria mota guztien errealitatea eta gatazka politikoak eragindako biktima guztien aitortza, adiskidetze eta konponketaren beharra”.

Urriaren 17ko Aieteko Adierazpenean ere norabide horretan pausoak ematera deitu zuten nazioarteko adituek.