Juan Goikoetxea idazle eta euskaltzalearen sortexea

Ekaitz Santazilia, CC BY-SA 4.0, via Wikimedia Commons

Juan Goikoetxea Zabalo (Lezaeta, 1905/11/18-Donostia, 1973/06/30) idazle eta euskaltzale larraundarra Uhaldea izeneko etxe honetan sortu zen. Apez aritu zen Arbizun 1933tik 1973ra, eta euskararen aldeko jarrera herrian euskarari eusteko berebizikoa izan zen. Nafarroako elizbarrutian erabiltzeko zenbait testu liturgiko ere euskaratu zituen, eta Príncipe de Viana aldizkariaren euskarazko gehigarrian ere frankotan idazten zuen, sekula sinatzen ez bazuen ere. Horrek zailtzen du bere idazlanak zein diren eta non argitaratu ziren jakitea. Euskaltzaindiak euskaltzain urgazle izendatu zuen 1963an.

Etxea aurkitzea erraza da, Lezaeta oso herri txikia delako. Bidetik ikusten da eta herrian Tolosako aldetik sartzen bagara, lehendabiziko etxea dugu.

Ekaitz Santazilia, CC BY-SA 4.0, via Wikimedia Commons

Etxeak, gainera, armarria du atarian: 

Ekaitz Santazilia, CC BY-SA 4.0, via Wikimedia Commons

Gehiago jakiteko:

• Andres Iñigok Euskera agerkarian argitaratutako biografia.