Irigarai familiaren hilobia

Ekaitz Santazilia, CC BY-SA 4.0, via Wikimedia Commons

Iruñeko San Jose hilerrian, Biritxitun, euskal estiloko tunba honetan daude ehortzirik Fermin Irigarai Goizueta Larreko (Auritz, 1869/1/25 - Iruña, 1949/9/3) euskal idazlea, eta haren semea, Aingeru Irigarai Irigarai A. Apat Etxebarne (Bera, 1899/3/1 - Donostia, 1983/11/28) euskaltzale eta euskalaria.

Lehenak euskal kazetaritzari bultzada ederra eman zion eta Iparraldeko literatura ongi ezagutzen zuen. Euskaltzaindiaren sorreran ere parte hartu zuen. Bigarrenak euskal testu zaharrak bilatzen eta Nafarroako euskararen egoeraz kezkaturik egin zuen lan, orduko euskalariekin harreman handia izanik.

Familia euskaltzale honen pausoak lehenaren biloba eta bigarrenaren seme den Jose Angel Irigaraik jarraitzen du egun.

Tunbak honakoa dio:

Au da Irigaraitarren il-obia. yainkoa baitan beude 1934garren urtean. Oroit iltzeaz zuhur baduzu.

Ekaitz Santazilia, CC BY-SA 4.0, via Wikimedia Commons

Tunba ezustean aurkitu nuen, eta ez nuke jakinen zehazki non dagoen esaten. Gogoan dut ekialdera begira dagoela. Aurkitzeko, sarrera nagusitik (ekialdetik) sartu eta hilerria ekialdetik mendebaldera zeharkatzen duen bide nagusiarekiko elkartzut den bide batean dago. Argazkian ikus daitekeenez, atzean nitxoak ditu.

Gehiago jakiteko: 

• Fermin irigarai Larreko BIDEGILEAK (PDF)
• Aingeru Irigaray Irigaray BIDEGILEAK (PDF)