Zaramaztet

Nik zuek...

zaramaztet / zakarztet / zarabilztet

Hark zuek...

zaramazte / zakarzte / zarabilzte

Guk zuek...

zaramaztegu / zakarztegu / zarabilztegu

Haiek zuek...

zaramazte(te) / zakarzte(te) /zarabilzte(te)

Euskaltzaindiak erabakitako goiko adizkietan ZTE aurkitzen dugu, noiz eta TZATE espero baikenuen. Beraz, beheko forma hauek okerrak dira Euskara Batuan:

zaramatzatet, zakartzatet, zarabiltzatet

zaramatzate, zakartzate, zarabiltzate

zaramatzategu, zakartzategu, zarabiltzategu

zaramatzatete, zakartzatete, zarabiltzatete

Bon,

zaramatzate, zakartzate, zarabiltzate

zuzenak dira HAIEK ZU denean, baina okerrak HARK ZUEK denean.

Ekialdeko euskaran ZTE artizki hori daramatenak eta TZATE daramatenak ez dira berdinak, zeren ZTE horren valiokidea ZKIE baita. Adibidez:

derauztegu = dizkiegu

zaizte = zaizkie

Ekialdeko euskaran ZTE dun horiek, adibidez:

zaramaztegu / zakarztegu / zarabilztegu

ez dira NOR-NORK (guk zuek) sailekoak, NOR-NORI-NORK sailekoak baino (guk zu haiei). Guk zuek haiei adierazteko hauek erabiltzeko dira Ekialdeko euskaran:

zaramaztetegu / zakarztetegu / zarabilztetegu

NOR-NORI-NORK sailean NOR lehenengo ala bigarren persona denean erraz osa litezke paradigma osoak ez bakarrik aditz laguntzailean, baizik eta trinkoetan ere.

NARAMAKIOTE (haiek ni hari)

= naramate + hari

= eramaten naiote

GARAMAZKIZUE (hark gu zuei)

= garamatza + zuei

= eramaten gaitizue/*gaizkizue

ZAKARZKIEGU (guk zu haiei)

= zaramatzagu + haiei

= ekartzen zaitiegu/*zaizkiegu

ZAKARZKIETEGU (guk zuek haiei)

= zakarztegu/*zakartzategu + haiei

= ekartzen zaitietegu/*zaizkietegu

ZARABILZKIGU (hark zu guri)

= zarabiltza + guri

= erabiltzen zaitigu/*zaizkigu

Azkenengo ZAIZKIGU hau ZARAUZKIGU (=zaitu + guri) da Ekialdeko euskaran. Agian NOR-NORI saileko formarekin nahas daitekeelako hautatu dute Euskaltzaindian ZAITIGU (=zaitu + guri) moduko forma irregular asmatuak NOR-NORI-NORK sailean, ezta?

Erabiltzaileek dute hitza eta erabakia