Nik emon deiodan...

Ondoko esaldi hau EEBn ematea oso da erraza:

Nik emon deiodan uretatik edan dagiana ez da inoiz ere egarrituko.

Berdin-berdina.

Leizarragak (in Jn 04:14) honela esaten du:

norc-ere edanen baitu nic emanen draucadan vretic, eztun egarrituren seculan

Noka (eztun) kenduta eta lapurtera batuan emanik:

nork ere edanen baitu nik emanen deraukodan ure(ta)tik, ez da egarrituren sekulan

Hasierako esaldia zein baitzegoen mendebaldeko euskaran idatzirik beste modu honetara eman zitekeen:

Nik emongo deutsodan uretatik edango dauana ez da inoiz ere egarrituko.

Leizarragak indikativoko orainaldi futuroa erabili du subjunktivoko orainaldia erabili beharrean. Subjunktivoa erabili balu honela idatzi luke:

nork ere edan baiteza nik eman diezodan uretik, ez da/dun egarrituren sekulan

zeina kompara daitekeen' beste honekin (Euskara Batuan):

Nik eman diezaiodan uretatik edan dezana ez da inoiz ere egarrituko

Berau sintaxi klasikoan:

Nork edan baiteza nik eman diezaiodan uretatik ez da inoiz ere egarrituko

Aurreko esaldian beltzez dagoena kursivaz dagoenaren subjektua da. Kasu hauetan erakusle bat erabili ohi da:

Nork edan baiteza nik eman diezaiodan uretatik hura ez da inoiz ere egarrituko

BAITEZA erabili beharrean DEZAN erabili ahal izan genuke:

Nork edan dezan nik eman diezaiodan uretatik (hura) ez da inoiz ere egarrituko

Subjektua atzetik ezarri liteke:

Ez da inoiz ere egarrituko (hura) nork edan dezan nik eman diezaiodan uretatik

Kasu honetan NORK erabili beharrean eta erakuslea erabiltzen bada ZEINEK agertu ohi da gehiagotan:

Ez da inoiz ere egarrituko hura zeinek edan dezan nik eman diezaiodan uretatik

Azkenengo relativoa ere atzekoz aurreratu liteke honetara:

Ez da inoiz egarrituko hura zeinek edan dezan uretatik zein nik eman diezaiodan 

Hobeki eman luke URETATIK ipini beharrean UR HARTATIK ezarriaz:

Ez da inoiz egarrituko hura zeinek edan dezan ur hartatik zein nik eman diezaiodan

Eta finitzeko' subjuktivoaren ordez futuroa erabilita:

Ez da inoiz egarrituko hura zeinek edango duen ur hartatik zein nik emango diodan

Grekerazko originalean:

ος (δ) αν πιη εκ του υδατος ου εγω δωσω αυτω ου μη διψηση εις τον αιωνα

EDAN aditza subjunktivoan dago eta EMAN aditza futuroan. Hau da:

(baina) nork ere edan baiteza uretik zein nik emango diodan ez da egarrituko sekulan

edota:

nork ere edan dezan uretik zein nik emango diodan ez da egarrituko sekulan

edota:

norknahi/nornahik edan dezan uretik zein nik emango diodan ez da egarrituko sekulan