naiz, nintzen, banintz, nintzateke

Hamar urteko nire ikasleek asteburu honetan honetara ikasiko dute IZAN aditza:

Batetik zutabeka:

naiz, zara, da, gara, zarete, dira
nintzen, zinen, zen, ginen, zineten, ziren
banintz, bazina, balitz, bagina, bazinete, balira
nintzateke, zinateke, litzateke, ginateke, zinatekete, lirateke

eta beste alde batetik lerroka:

naiz, nintzen, banintz, nintzateke
zara, zinen, bazina, zinateke
da, zen, balitz, litzateke
gara, ginen, bagina, ginateke
zarete, zineten, bazinete, zinatekete
dira, ziren, balira, lirateke

Bigarren modu honek berebiziko garrantzia hartzen du, baldin eta adizki bakoitza ozenki esatearekin batera haren esannahiaz isilean jabetzen bagara. Adibidez: BANINTZ ozenki esan ostean geure buruari isilean baina ez naiz esan behar diogu, eta NINTZATEKE esan ostean berdin-berdin.

NAIZ... NINTZEN... BANINTZ... (baina ez naiz)... NINTZATEKE... (baina ez naiz)

ZARA... ZINEN... BAZINA... (baina ez zara)... ZINATEKE (baina ez zara)

DA... ZEN... BALITZ... (baina ez da)... LITZATEKE (baina ez da)

GARA... GINEN... BAGINA... (baina ez gara)... GINATEKE (baina ez gara)

ZARETE... ZINETEN... BAZINETE... (baina ez zarete)... ZINATEKETE (baina ez zarete)

DIRA... ZIREN... BALIRA... (baina ez dira)... LIRATEKE (baina ez dira)

Proba dezazue!