Izenlagunak

Izenlagunak, esan nahi baita, -EN eta -KO deklinabide-atzizkien bidez eratzen diren izen-osagarriak aurretik nahiz atzetik ezar daitezke: 

Gizonaren txakurra = Txakur gizonarena

Bilboko neskatilarekin = Neskatila Bilbokoarekin

Berdin gertatzen da -eN menderagailua erlatibo gisa funtzionatzen duenean:

Gizonak erosi duen txakurra = Txakur gizonak erosi duena

Bilbon bizi den neskatilarekin = Neskatila Bilbon bizi denarekin

Euskara Batuan gutxitan erabiltzen dira atzetik ezarritako izenlagunak eta -eN erlatiboak. Euskara Erkide Batuan ere gutxi erabili beharko dira, zeren erraztu beharrean' maiz ulermena oztopatzen baitute.

Kasu hauetan oso komenigarria da apostrofoa erabiltzea modu honetara:

Txakur' gizonarena

Neskatila' Bilbokoarekin

Txakur' gizonak erosi duena

Neskatila' Bilbon bizi denarekin 

Batzutan bi izenlagun (-eN erlatiboak barne) elkartzen direnean egokia izan liteke erabilera kombinatua non aurretik izenlagun bat ezartzen den eta atzetik bestea:

Hor goian dagoen katu' emakume zahar horrena beti ibiltzen da saguen bila

Bilbotik metroan etorri den mutil' Estibalitzekin ibiltzen denari eman diot liburua 

Beste adibide batzuk:

Hemen behar genituzke pozik lan egiten dakiten ikasle zintzo' behar bezalako batzuk

Folk eta rocka dira munduko musika mota' niri gehien gustatzen zaizkidanak

Udan Noja da Cantabriako herri' bilbotarrez gainezka dagoen bat

Bidali dizkigute etxerako lan erraz' ordu erdian edo egiten direnak

Izan gaitezen euskaldun' geure kabuz pentsatzen dakigunak

Nik ez dut esango gauzarik' Villasantek eta esan ez dutenik

Adibideotan apostrofoaren erabilera bat ikusi duzue zeinek jakinarazten duen ezen haren aurrekoaren izenlagun bat datorrela gero.