Arazoak, hobeto patxadan

Nahiz eta nire bikotearekin ondo egon, orain dela bederetzi urtetik elkarrekin bizi gara, noizbehinka egoera desberdinak eta ustekabekoak sortzen dira eta bikotearen harremana zalantzan ipintzen da. Nire ustez, kasu horietan bikotea hobeto ezagutzen duzu. Eta zeure burua hobeto ezagu dezakezu. Gai hutsal bat izan arren, egoera hauetariko bat gertatzen da etxean konponketak egiten direnean. Pentsa ezazu zure etxean arazo bat sortzen dela, adibidez, bainugelan. Etxera heltzean, ura erortzen ari da. Hau gertatu zitzaigun ostiral arratsaldean, orain dela bi hilabete. Bat-batean etxean iturginak eta igeltseroak agertu ziren aberia konpontzen saiatzeko baina arazoa gero eta zailagoa zen.

Eta gure pazientzia gero eta gutxiago…

Horregatik, bi aste bitartean gure artean iskanbila handiak izan ziren. Goizeko zortzietan langileak heltzen ziren, arratsaldeko seiak arte (horrela, hamabost egunetan). Astelehenean gauza bat konpontzen zuten baina beste gauza bat apurtzen zen asteartean. Eta guk, jakin gabe zer egin, elkarrekin eztabaidatzen genuen.

Etxean konponketak bukatu dira. Beti bukatzen dira. Eta ez dago iskanbilarik. Dena bukatu eta gero, konturatu naiz pentsatzen nuen baino pazientzia gehiago daukadanez. Espero dut nire bikoteak eta nik, beste arazo batzuk agertzen badira, erabakiak patxada handiz hartzea. Hobeto patxadan.