.LOTUTA.

Noiz utzi genion berdinak izateari? Noiz utzi genion gizaki izateari?

Zein jainkok banatu zien batzuei boterea eta besteei makurtzeko joera? Nork erraldoitu zituen batzuk eta ñimiñotu besteak? Nork lotu gintuen ia kate diren soka hauetara?

Bere seme kuttunen jostailu bilakatu gintuen, margopean ezkutatuak izan ziren ezpain horien existentziak zentzua galdu zuen hartan. Eta zintzilik gaude geroztik. Hanka ta beso lotuta: orain salto, orain dantza, orain teloia itxiz eta orain ez irekiz...

Eta konformatu egin gara...

...Bitzea bizirik egotea baino gehiago dela ahantzi dugu.

Apurtu kutxa, eten sokak, begiratu gora eta atera mihia zure mugimenduak manipulatzen dituen horri...

...eten sokak, kateak, urrats ttikia izanen bada ere askatasunerako bidean...

Gizartearen kaiola honetan gatibu, aske garela sines dezagun...