HIRE BELTZAK EDERTZEN DIZKIK IZARRAK; BAZEKIAT...

 Ketan haut, gau, irensten airetan...

Beltz arnasten haut, zuri ikusi, garden dasta...

Ezin gabetsiko haut, egunak ez zidak pentsatzen lagako...

Baina zain geratuko nauk, harrokeriaz, axolako ez balit legez,

letratutako ke arnasestutan, dastatuko haudan hurrengo aldiari so,

hemendik uste duana baino gehiago ikus baizezakeat...

Bazekiat biharko berri... Bazekiat itzaltzen ari haizela...

Hago, hago hortxe, bila nijoak, gaur lientzora, bihar hondartzara...

Hotzetik epelera, epelean bero, birrinduko gaituk hareatan.

Berriro.