II. Emakumea Pilotari Irekia. Finalerdiak ate joka

Pasa zen larunbatean, martxoaren 7an, jarri zen abian II. Emakumea Pilotari Irekiko azken fasea. Anoetako Alkartasuna pilotalekuan jokatu ziren final-laurdenetako 4 norgehiagokak. Hona hemen emaitzak:

Hasiera batean Aginagan (Usurbil) jokatzekoak baziren ere, haize zakarrak bertako pilotalekuko teilatua altxa eta kalte handiak eragin zituen pilotalekuan eta bere inguruetan. Ondorioz, Anoetan jokatuko dira azken bi jardunaldiak ere.

Final-laurdenetan irabazi ostean, lau bikote baino ez dira geratzen lehian, eta datorren larunbatean, martxoaren 14an, jokatuko dituzte finalerdietako bi partidak. Jaialdia 16:30ean hasiko da.

Azpimarragarria da lau bikotetatik hiru nafarrak direla, eta, aurtengoa dutela lehen partehartzea txapelketa honetan. Laugarrena, berriz, Redondo-Errasti, gipuzkoarra da, iazko bikote txapeldunordea.

Larunbatean garaipena eskuratzen duten bi bikoteak aurrez-aurre izango dira hilaren 21ean jokatuko den finalean.