Gipuzkoar bakarra trinketeko Kutxa Sariko finalean

Pasa den igandeko finalerdien ondoren dagoeneko finalistak izango diren bikoteak erabakita daude eta esan beharra dago bertan Maider Mendizabal gipuzkoarra egongo dela.

Lehenengo finalerdian oso partida gogorra ikusteko parada izan zuten bertaratu zirenek. Ordubete pasatxoko iraupena izan zuen eta oso tanto politak ikusi ziren, Amaia behin baino gehiagotan lurretik bueltaka ere ibili zen. Haizean oso partida ona egin zuen, nahiz eta ondoezik joan partidara. Azkenean, juxtu-juxtu baino Haizea Zamora eta Maritxu Houssetek lortu zuten finalerako txartela.

Bigarren finalerdia berriz oso ezberdina izan zen. Tantoak motzagoak izan ziren akats gehiago egon ziren nahiz eta Nagore Arozenak bere teknika erabiliz, Maiderren gainetik pasa eta ezkerreko zuloan tanto onugari egin zituen. Behin partida erditik aurrera ordea, Amaya Serre-k bere nagusitasuna agertu zuen eskuinkada indartsuak joz eta Nagorek ezin izan zion egoerari buelta eman. Aurrean berriz Maider Mendizabal Sylvie Halsouet baino hobeto moldatu zen eta hasieran lekua hartzea kostatu zitzaion arren, azkenea sakearekin min handia egin zuen. Honenbestez, emaitza lasaiarekin lortu zuen bikote gorriak finalerako sailkapena. Hona hemen emaitzak:

Txapelketako azken jardunaldia beraz honela geratuko da: