Frontoi Motzeko Emakumeen Gomazko Paletako Kutxa Sari Nagusia

Igande honetan bertan, otsailaren 7an, jarriko da abian Frontoi Motzeko Emakumeen Gomazko Paletako Kutxa Sari Nagusia. Gipuzkoako Euskal Pilota Federazioak antolaturiko goi-mailako lehiaketa honek Euskal Herriko pilotaririk onenak biltzen ditu, eta, aldi berean, baita mundu mailakoak ere. Izan ere, inoiz trinketeko munduko txapeldun edo/eta Munduko Kopako txapeldun izan dira, besteak beste, Maite Ruiz de Larramendi, Maritxu Housset, Nagore Arozena eta Itsaso Urkizu.

Txapelketaren aurkezpena

Aurkezpen ekitaldia bihar, hilak 4, izango da Donostiako Amara Plaza hotelean, arratseko 20:30etik aurrera.

Lehiaketa sistema

Antolaketa batzordeak 12 pilotari hautatu ditu, 6 bikote osatuaz. Bikote hauek bi multzotan banatu dituzte, hiruna bakoitzean. Multzo bakoitzeko joaneko ligaxka bat jokatuko dute, denek denen aurka. Ligaxkaren amaieran lehenengo eta bigarren postuetan sailkaturiko bikoteek, elkarren artean gurutzatuta, finalerdiak jokatuko dituzte norgehiagoka batera. Finalerdietako irabazleek finala jokatuko dute, eta, galtzaileek, berriz, 3. eta 4. postua.

Hona hemen parte hartzaileen zerrenda:

Pilotariak honela banatuko genituzke lurraldetasunari erreparatuta:

• Gipuzkoa (6): Manzisidor, Arozena, Urkizu, Montes, Fernandez eta Evaristti
• Lapurdi (3): Elguezabal, Housset eta Etchelecu
• Nafarroa (3): Ruiz de Larramendi, Muneta eta Okariz
• Nafarroa Beherea (2): Bordagaray eta Serre
• Bizkaia (1): Espinar

Egoitzak

Jardunaldi bakoitza pilotaleku batean jokatuko da. Guztira Gipuzkoako 5 herritan izango dira partidak ikusgai: Alegia, Zumarraga, Urretxu, Bergara eta Tolosan. Igande goizetan, 11:00etan hasiko dira jaialdiak.

Egutegia

Otsailaren 7tik martxoaren 7ra bitartean jokatuko da txapelketa. Hona hemen jardunaldiz jardunaldiko informazioa:

Igande-astelehenetan saiatuko gara emaitzez gain partiden kronikatxoak ere zuenganatzen