Ezker Hormako VI. Emakumea Pilotari Txapelketa. Ligaxkako azken jardunaldia

Abenduko lehen asteburua ate joka dugu eta ohartzerako heldu da Ezker Hormako VI. Emakumea Pilotari Txapelketa – Kutxa Saria ere ligaxkako azken jardunaldira. Larunbatean, hilak 3, jokatuko dira ligaxkako 5. eta azken jardunaldiari dagozkion partidak.

4. JARDUNALDIA

Iragan asteburuko emaitzen taula honako hau izan zen:

Emaitza hauen ondoren eta azken jardunaldia jokatzeke dagoen arren, 1.mailan Redondo-Arozena eta 2.mailan Tijero-Beldarrain bikoteek hanka eta erdi dute finalean, orain arteko jardunaldietan garaipenak baino ez baitituzte eskuratu.

5. JARDUNALDIA

Asteburu honetan Debako eta Zarauzko pilotalekuak izango dira egoitzak. Ohiko moduan, bi jaialdiak ordu berean hasiko dira, 16:30ean, eta bakoitzean hiruna partidaz gozatzeko aukera izango da.

Ordutegi ofiziala eta partiden ordena egiaztatzeko: kartelera

Jardunaldi honen ostean erabat zehaztuko da zein bi bikote sailkatuko diren zuzenean finalera, ezusterik ezean nahiko argi dagoen arren, eta zein lau bikotek eskuratuko dituzten abenduaren 17an Tolosan jokatuko diren finalerdietarako txartelak. Gogoratu maila bakoitzean aurrena sailkaturiko bikoak lortuko duela zuzeneko txartela eta 2. eta 3.postuetan sailkatuak izango direla finalerdietara igaroko direnak. Beste sei bikoteek agur esango diote txapelketari.