Ezker Hormako VI. Emakumea Pilotari Txapelketa. Azaroko azken asteburua

Azaroko azken asteburua ate joka dugu eta ohartzerako heldu da Ezker Hormako VI. Emakumea Pilotari Txapelketa – Kutxa Saria ere ligaxkako azken bi jardunaldietara. Larunbatean, hilak 26, jokatuko dira ligaxkako 4. eta azken aurreko jardunaldiari dagozkion partidak, hain justu ere.

3. JARDUNALDIA

Iragan asteburuko emaitzen taula honako hau izan zen:

Garaipena baino ez dute ezagutzen hiru bikotek ligaxkaren erdia baino gehiago pasata: Etxegia-Maider Mendizabal eta Redondo-Arozena, 1. mailan, eta Tijero-Beldarrain, 2.mailan. Garaipenik ezagutzen ez dutenak, aldiz, Manzisidor-Errasti, 1.mailan, eta Gorrotxategi-Perez, 2.mailan, dira.

4. JARDUNALDIA

Asteburu honetan Zumarragako Beloki eta Urretxuko Ederrena  pilotalekuak izango dira emakumeen partidak jokatuko diren egoitzak.

Jardunaldi honen ostean ligaxkako azkena baino ez da geratuko jokatzeko, beraz, finalerdietarako urratsa eman nahi badute tanto zein garaipenak eskuratzea komeni zaie guztiei. Batzuei azken jardunaldira aukeraren batekin heltzeko eta besteei txapelketa aho zapore onarekin amaitzeko.