Euskal Herriko Emakumezkoen Gomazko Paleta Txapelketa. 3.jardunaldia

Larunbat honetan, otsailaren 13an, Orioko udal pilotalekuan jokatuko dute Euskal Herriko Emakumezkoen Gomazko Paleta Txapelketako gazte mailako pilotariek. Hona hemen karteldegia:

Gazte mailako lehiaketan 5 bikote ari dira parte hartzen. Hauek denek denen kontrako joaneko ligaxka jokatzen dihardute, eta lehen bi sailkatuek lortuko dute martxoaren 7ko finalerako txartela. Oraingoz, ordea, ez dago antzematerik zein bikote izan litezken, ez dituztelako bina partida ere jokatu. 

Lehen partidan Semper-Pagola hernaniarrek eta Monserrat-Moron irundarrek neurtuko dituzte indarrak. Bigarrenean, aldiz, bi bikoteak bizkaitarrak izango dira.

Beste bi kategorietan, berriz, 1. eta 2. mailetan, ligaxkako azken jardunaldiko partidak jokatuko dituzte. 2. mailakoak Lizarran arituko dira eta 1. mailakoak, aldiz, Gasteizko Ogetan eta Mallabian. Honenbestez, jardunaldi honen ostean ezagutuko dugu zein zortzi bikote izango diren, maila bakoitzeko, otsailaren 20ko final laurdenetan aritzeko eskubidea lortzen dutenak.

Hona hemen 3. jardunaldiko gainerako partidak:

Bikote guztiek izango dute zerbait jokoan azken faserako txartelaz gain, multzoko lehen bi postuetako zeinetan kokatu ere garrantzitsua izan baitaiteke final laurdenetako aurkariari dagokionez.