Etzi, Trinketeko III. Emakumea Pilotari Txapelketako 2. mailako finala

Etzi, ekainaren 19an, jokatuko da Trinketeko III. Emakumea Pilotari txapelketako finala, 2. mailan, Donostiako Gaska trinketean. Jaialdia 21:00etan hasiko da eta neurketa bakarra izango du.

Bertan aritzeko txartela lortu zuten joan den astean Lizeaga-Ugalde eta Redondo-Arrondo bikoteek, finalerdi estu eta emozioz beterikoetan. Ligaxkan lehen postuan sailkatu ziren biak ala biak, bakoitza norbere multzoan; beraz, esan liteke faborito argirik gabeko finala izango dela ostiralekoa. Ikusminik eta tentsiorik ez da faltako. Hortik aurrerakoa pilotarien esku dago.