udaberria amesten
Udaberria amesten
Lore koloretsuekin amesten nuen
maiatzean loratzen diren nolakoekin
belai berdeekin
eta, txorien kanta alaiekin
Eta oilarrek kikirriki egin zutenean
ireki ziren nire begiek;
ilun, eta hotz egiten zuen
teilatuetatik beleen karrankak heldu ziren.
Leihoetako beiretan
nork margotu zituen hosto horiek?
bar eginen al diozue
neguan loreak ikusi zituenari?
Schubert-n “Udaberria amesten” kantarekin oroitzen, hasten du Byung Chul Han-ek bere gorazarrea Ama-lurari. “Negu bidaia” Wilhelm Mûler idatzi olerkiak, Frantz Schubert-ek musikatu zituen, 24 denetara, ” 3-11 Udaberria amesten” haietako bat izan zelarik.
Byung Chul Han filosofoa 1958n Seulen sortu bazen ere Alemanian hezi zen. Modu liriko, eroso eta atseginez irakurtzen den idazlan honek, Ama Lurraren azalean murgiltzen gaitu. Lan aberatsa da, hainbat filosofo, olerkari eta musikagileen lanak gogora dakarzkigu. Filosofoak baratzea lantzen hasi eta metafora nola, gizakiaren zera zuritzen ahalegintzen da. Baratzeak bere denborak dauzka, etekinak lortzeren itxaron sasoiak, premiarik gabekoak, hausnarketa iradokitzen digun egonaldiak. Naturaren boterea igarri ezina denez gizakiaren askatasuna mugatzen du. Ama Lurra magia eta misterio bat, ezusteko bat da. Etekinak lortzeren soilik erabiltzen badugu suntsitzeko bidean gaude. Ordenagailu pantailaren neurria mugatzen badugu, gure betiko etxe bakarra denez, umezurtz gelditzeko zorian geundeke.
Byung Chul Han-k Immanuel Kant gogoan jorratzen ditu liliak, astiro, azken etekinen baino, haien kontakizunean garrantzia jarriz. Landareen bizitza ziklo eta lilien kolore eta lurrinen bizi pozari doinua ematen dio egileak. Eta, Hiperión errezitatzen hasten da /Zeruko lore bati Ama Lura deitzen diogu, eta zeruari biziaren baratze etengabea/ Hausnartzen jarraitzen du; adar iharrak udaberrian kimatzen dira, biziberritu eta loratu egiten dira. Zergatik ez zaio aitortzen gizakiari mirari zorioneko hori? Zahartu eta zendu egiten da. Zimeldu eta usteldu.
Georges Moustaki. Il y avait un jardin.
Kanta hau altzairu artean sortu
eta hormigoia betuna eta asfaltoa artean
bizi diren haurrentzako da
eta, inoiz ez dute jakinen
ama lurra baratze bat izan zela.
Iruzkinak
Utzi iruzkina: