SUA

                                                            SUA

                                                   Maialen Lujanbio

Sua asmakizuna

homo habilisena

Bazun intentzioa

bazuen sena

Bi harrik elkar jota

txispa bat aurrena

asmakizun haundina

mendeetan barrena

Sua da problema

zenbait basorena

edo jaki dena

berotzen duena

eta bi begiradek

sortzen dutena.

Maialen Lujanbiok gogoeta batzuk iradokitzen dizkit.

Homo Habilisek  etxekotu zuela sua, dio Maialenek. Janaria egosten eta erretzen hasi zen. Talde piztia nola,  su ondoan biltzen zen, doike!Eta  hala  burmuina garatu zuen. Zutik hasi zen ibiltzen, eta pentsatzen. Hortik gure harrokeria  Sapiens  izen goitia hartzearena.

Atzo arte ezin zen bizi surik gabe. Hola izan da miloi bat miloi bi… urtetan.  Bi belaunaldi haski izan dira sua amatatzeko;  aisialdi eta barbakoa egiteko gelditu da. Ikusi eta usaintzen den suaz ari naiz, orain energia deritzona  ikusi, ez dakit ikusten den, agian bai, baina ez du usaiarik; hori danok badakigu.

Zientziak ez digu argitu nola hasi zen Sapiens delakoa solasean, mirari bat da nire ustean. Ema dezagun su ondoan hasi zela;  keinuari ahotsa emanez elkarrizketan;  zato, zazi, ekarri, hartu, kontuz!... belaun aldiz belaunaldi informazioa partekatuz, solas  molde bat sortzen.

Bi harrik elkar jota sortzen duen txispak baso bat erretzen du. Bi begiradek sortzen duten irrikak bertso bat.