Run DMC eta Prince Vince
Puff! Itzuli naiz Beasaingo festak izan ditugun bururik batere izan ez duen asteburu honetatik. Bizirik atera naiz :-) baina fisikoki bakarrik. Izan ere, nire aktibitate neuronala Aznarrenaren pareko da oraintxe, hainbeste alkoholekin burmuinetik edozein bizitza zantzu desinfektatu eta neurona guztiak hil baitzaizkit.
Beraz, gaur gehiegi ez konplikatzea erabaki, eta orain egun batzuk aurkitu nuen bitxikeria batekin nator. Video bat ipini eta lixto! :-)
Beno, bai, videoa ondo dago. 20 urte exkasetan gauzak zenbat aldatzen diren ikusteko balio du eta, hala nola Run DMC ikusteko ere. Dirudienez, adituei asko harritzen die 3000 urtetan egiptoko estiloak horren aldaketa gutxi jasan izanak, beti marrazten eta eskulpitzen zituzten begi berberak, sudur berberak, gorputz berberak...
Gure "zibilizazio" honetan ordea ez da horrelakorik gertatzen. Hemen bi hilabete nahikoa dira bufanda mota bat mundu guztian modan ipini eta zabaltzeko eta beste hainbeste modaz pasatzeko. :-)
Baina videoaren kuriositatea ez da hori soilik. Interesgarriena, Run DMC-ren ekitaldi hasiera bere burua Prince Vince bezala aurkezten duen mutila da, kapel zuriduna.
EZETZ ASMATU NOR DEN!