Urtats: bi haitz eta bi hats

 Ondarraitz eta bi haitz

 1/ Aiako Harrian
itzarri da jentila
Mairu baratzean
harat-honat laminak
Sirenen zurrumurruak (dantzut)
Tonbarrien magalean.

 Itsasoan ezinean
itxialdia Zalditegian!(*)

Olatuak dinbi-danba (jauzika)
inarrosten haitzak
Orroek dagite talka
arroken bisaien antza
Uhandreen ahotsa da
uhinen azantza.

2/ Lur mugaren hegian
jalgi da ekia
Naturaren begian
Ilusiorik egia.

Zalditegian
Egunsentia!

Eguzkiaren printza
naturaren mintza
elkarri emateari
zor diogun ekintza.

3/ Ortzi nabarra
portuan gabarra
itsas marmarra
emea ta arra!

(H)ondarraitz
Gurea da!

Milurteko anitz,
itsasoak ur bits
Gizakiaren hitz
hainbatetan hits!

Post poema

Eguneroko Ondarraitz!
Egunero berrizten
zaizkit irudiok,
Bidasoa bokalean,
paradisua eta infernua
elkarren ondoan!

(*) Bizi naizen karrikaren izena.