TAO TE KING (III) Lao Tse

III

Ez goretsi adimena ez gaitasuna
herria lehiatu ez dadin.
Ez estimatu eskuratzen nekeza dena
herria lapur bihur ez dadin.
Ez agertu gutiziagarria
bere bihotza ez dadin erauzi.

Jakintsuak
bihotza hustuz, 
sabela asetuz,
handinahia mendratuz,
hezurrak sendotuz, 
gobernatzen du. 

Hartara, herria
jakintza eta irrika izatetik
aldenarazten du,
maltzurrenek beren garaipena 
bilatu ez dezaten.

Ez-obratzen diharduenak
oro gobernatzen du.