DENAK DU BIDE BAT

Eta etorri zen bezalaxe joan zen.

Eguzkiaren antzera,

baina kontrara.

Agian eguzkia da bera uxatzen duena.

Sartu-irten bat egin du,

ongi sartu gainera,

gauez ordea.

Pentsatzen hasia nago 

ez ote zen izar usoa izango, 

nigan atentzioa deituz.

Alkoholez beteriko gaua

eskuan dudan kubatako

izotza bezalaxe,

neu ere urtzen hasia naiz.

Emeki emeki hurbildu da,

atzamarrak gainean jartzeraino

eta bat-batean,

ezpain biek talka egin dute.

Barneko sua bizirik da,

izotza geroz eta azkarrago

ari da urtzen.

Gorputz biak elkarturik,

larrutan.

Eta orduan bai,

ur-jauzia.

Denak du bide bat

eta urak bere bidea

itsasoan bukatzen duen bezalaxe,

gure bidea ere,

eguna argitzearekin batera,

amaitu da.