Izogizakiaren aurrean......

Herriak bakarrik salba dezake herria.Zaharra da esaldia baina duen berritasuna gaurkoa eta etorkizunekoa.Denok dakigu euskal herriak baduela bere buruaren jabe izateko nahia.Hala bada, egin diezaiogun kasu esaldiari eta eraiki dezagun euskal demokrazia.Espainiar demokrazian sinisten dutenek aski gustora daude, baina euskal herritarrak sentitzen garenok ere aski gustora sentitu nahi dugu.Askatasuna esaten denean ez askatasuna 4 urtetik behin botu ilegala emateko edo pastelaren errepartuan parte hartzeko.Askatasuna guri ikutzen diguten gauzak erabakitzeko eta eskatzeko nahi dugu herritarrok.Garraio publikoa, herriko alkatea, auzoko jolastokia,unibertsitateko arazoak,etxebizitza eta lan arazoei buruz gure hitza entzuteko, askatasunezko eta publikoak diren espazio deliberatibo politikoak beharrezkoak dira.Instituzio eta egitura handiak iraganean izan duten fatxada bakarrik mantentzen dute indarrean, barrua hutsik daukate.Ez dago gauza egonkorrik.Eta dakitenek ez dute hitzegiten.Teknokratek badakite hau eta dirua egiteko aprobatxetzen dute, europako multinazionalek Irakeko Inbasioarekin egin duten moduan.

Intelektualak Bertsotan ari dira, gaiak jarri eta nork bertso hobea asmatuaz dabiltza.Baina bitartean gidoia beste batzuk idatzia da.Hemen eta Afrikan.Beste batzuk, urrunetik.Ikustezinak eta ikutuezinak diren besaulkietatik.Eta intelektualetaz barre egiten dute.Denak balio duen eta inori ardura ez dion bezalako dinamikan sartu gara, kritikotasunak artifiziala dela ematen du.Koeherentzia ere ez da beharrezkoa.Berrikuntza da beharrezkoa.Eta zaharra da dena, ez dago ezer modan.Dena da botatzeko egina.Bapatean erosi eta bapatean botatzeko egina, bertsoak bezela.Ezin daiteke aurreztu, ezin daiteke lanpostu finkoa lortu, ezin dezakegu liburu bat lasai irakurri, ezin daiteke, internet gabe bizi, mugikor gabe komunikatu…dena da beharrezko baina ezerk ez du balio.Arimarik gabeko musika, hegorik gabeko txoriak hegan ikustea bezalakoa da.Denok gaude denaz jakitun, ongi informatuak baina inoiz baino kultura gutxiago daukagula diote indikatzaileek.Irudiaren burbuilara zein ongi konektatuta bizi garen esaten dugu baina inork gutxi hartzen du denbora liburu xinple bat irakurtzeko, lagunekin hitzegiteko, gurasoekin egoteko…maitatzeko.Berritasuna abiadura handiko trenaren antzera, dena da beharrezkoa baina, dakiguna egiten ahaztuko zaigu gizakioi maitatzea… sentitzea, hitzegitea….Eboluzio berri baten aurrean gaude. Gerra hotzaren amaieratik sortu den txinpantze urbanitaren aurrean.Gizaki hotza.Cold human. Gizakia+izoztua.Izogizakiaren aurrean.Pultsoko dema neoliberalismo globalitarioak irabazi ote duen galdezka dabil autore asko, akaso irabaztea nahiago dutelako.Baina ezer ez da berdin.Lehengo berdin ezer ezta.Denak dirudi  edarragoa, handiagoa, Mc donald agoa, cocakolarizatuagoa baina  hutsa da.Barrua hutsik duten gizaki izatera kondenatu nahi gaituzte.Eta gidoia idatzita dago.Zergaitik gabiltza beraien shakeasphere antzezten…?zergaitik? Guk ez genuen aukeratu.Eraiki dezagun Euskal Demokrazia, Euskal herritarren borondatean atzerriko gidoilariak lanik gabe utzi nahi ditut.Hau ez da beraien antzezlana, hau gurea da.

Zuk eta nik badugu papel bana…lagun ;)