Gatazka

Niniak dardarti,
negar-malkotan itotzen,
telebistari begira dago.
Besaulkian iltzatuta geratzen da,
haur horiek ikusten dituen bakoitzean.
Tripa puztuta,
ogi koxkorren bat jaso zain,
isilean bizi eske
egoten diren umeei begira,
mundua zein krudela den... pentsatzen du,
eta oihukatzen du,
injustiziez lepo.
Oihukatzen du, bai,
buka dadila sofrimendua!
Bere larru beltzezko besaulkian
afaritako postrea jaten duen bitartean.