Ezinezko sekretuak

- Kaixo!

- Iep! Zelan?

- Ondo esan biherko, edo, en fin, betikolez. Ezta gitxi! Da zeu, zelan zabiz?

- Ondo! Kexa barik...

- Eztait ba, keinu tristea igerri dotzut.. zehozer pasa da ala?

- Ez ez, ezta ezebez pasa, ondo nau.

- Ja... badakit ondo ez zauzena, garbi da hori! Eztozu gura neure sorbaldarik? Je!

- Ezin dotzut konta. Beno, ez zeuri. Orokorrean dinot, ezinot konta.

- Zerba?

- Erokerixa dalako.

- Da? Noiztik da hori ba txarra?

- Bufff... teorian ezta txarra; teorian, geure burua progresista da autonomotzat dogunok eztekogu eroekaz problemarik. Gitxienez, geurera hurbiltzen eztizen artean.

- Eztot ulertuten bapateko pesimismo hori. Ezta ba hainbesterako izengo!

- Etzait derrepentean okurritu eh! Pentsau, danok gara transgresore, danok gorroto dogu sistema, da erresistentzixa be eiten dotzagu. Barrutik, noski! Zainen bidez edo! Sisteman arauen kontra berba eiten dogu baia dan dana iruntsi da barneratzen dogu azkenian. Danok gabiltza bardin, bizitza danak fotokopixa txarrak diz.

- Baia, erresistentzixak eztau iraultza esan gura derrigor, sistemari kontra eiteko ezta beharrezko aktibista filantropo hoietako bet izetea. Gauza txikitan be badau erresistentzixa eitea.

- Bale bale. Bai. Erresistentzixa gauza txikitan be badau. Ados. Baia enabil horretaz. Pentsau arau moraletan. Kontrakulturan barrun gauzenok be segitzen doguz ia danak. Da, nonork arau horrei benetan ezetz esaten badotze ekintzen bidez, ordun eztau inork ondoan gureko zoroa bihurtuko dalako bapatian.

- A ver, a ver. Ze esan nahi dozu? Galdu naz! Eztait zer ikusi dekon horrek pasatzen jatzunagaz... konteuko dostazu ala zer?

- Ezin dodala ba! Benetan esaten dotzut. Inork ez leuke sinistuko, danok bardina esango zeunkie, txorrada galanta dala!

- Baia a ver, noztik da hain garrantzitsua jendeak pentsetan dauena? Gainera, neuk eztot eritzia besteon usteen ganen eraikitzen.

- Ja... hori dinogu danok. Benetan epaitu biher dogun arte. Ordun bakotzaren eritzia danon bardina bihurtuten da.

- Etzaitut epaituko. Esatea be soberan dau!

- Kontako baneutsu be, alferrik.

- Eztakizu! Ein froga ia?

- Eztot biher. Ziur nau, ezertarako ezta izengo mamuak askatzia, mamu honek gitxienez ez.

- Bueno.. ba gura dozun modun. Baia eztot uste oso ona danik guztia zeutzat gordetzia eh!

- Debekuez maitemintzea. Hori da benetan txarra!

- Eh? Da, oin zer dinozu?

- Ezebez ezebez. Nahiko esan dotzut jada.

...

Oharra: barkatu bizkaitar zaretenoi hanka sartzeengatik, baina holako zehozer idazteko gogoa nuen. Espero dut akats gehiegirik ez izatea...