Laburmetraila Zinemaldia

Gaztetxeak zinearekiko lotura ikaragarria du. Zine txiroaz aparte, bestelako ekintzak antolatu dituzte zinearekin lotuta daudenak.

Gaztetxearen hamabosgarren urtemugan, orain dela bi urte,  denbora luzez pentsatuta zuten Laburmetrai ekitaldia burutzea lortu zuten. Zinemaldi izendatu zuten gala erraldoia baten bitartez herrikoek egindako laburmetraien esposaketa eta irabazleen sari banaketa egin zen. Laburmetraila Zinemaldi honetan, ez zen ezer falta: Tokiko musika taldeak egon ziren, Al que caiga… programaren berriemaileak egon ziren, Iortia Kultur Etxean alfonbra gorria ikuslez beteta, zinemaldi batek izan beharreko guztia.  Azkenean, antolatzaileek ekitaldia prestatzen jasandako ezinegona eta urduritasun egoerak gogorarazten duten arren, esperientzia ona izan zela adierazten dute.

Esperientzi oso ona izan arren eta herri osoa liluratuta geratu zen arren, Hamabost urte hamabost borroka programaren zati bat baino ez zen izan, berriro ez baitute honelako ekitaldirik ospatu.