KEN ZAZPI ARGIAK

Aurreko guztiarengatik, KEN ZAZPI, zalantzarik gabe, euskal musikako talde handienen artean dago kokaturik.
"ARGIAK" izenburu daraman bere laugarren lan honek, kanta zoragarri eta interpretazio kontundenteaz gain, berezitasun handi bat dakar: mundu mailako ekoizlerik ezagunenetarikoaren eskuetan utzi bait dute diskoaren produkzioa: Los Angeles herrian estudioa duen Rafa Sardina bermeotarra (www.rafasardina.com) izan da diskoaren soinu paregabearen arduraduna.
Borobila dugu beraz honako lana, bihotz-erraietan tinkaturik uzten gaituzten 12 abesti gustagarri, sujerikor eta indartsuotan zehar, ahotsaren ahalmenak ahalik eta gehien ustiatzen ditu taldeak, honen bidez aldarrikatzen diren mezuen komunikazioan atinatuz.
Diska honetan gustuko dudan kanta bat NIRE LURRARI da:

UR TANTA BAT BEZALA
EGUZKIPEAN
HELTZEAR LEHORTZEN NAIZ
NIRE BIDEAN

EURI IZAN NAHI NUKE
ZUGAN IBAI BIHURTUZ
GAUERDIETAN
ZURE ARAN EZKUTUAK LAZTANDUZ

EURIA IZAN NAHI DUT
LUR ZAPALDUETAN SUAK ITZALDUZ
EURIA IZAN NAHI DUT BAINA…
UR TANTA BAT NAIZ

MAIZ BABESTEN NAIZENA
LAINO ARTEAN
ARGI IZPIETATIK
ANPARATZEAN

EURI IZAN NAHI NUKE ZURE
ITSASORAINO HELDUZ
GUDA ZAURIAK
ZURE GORPUTZA BUSTIAZ SENDATUZ

EURIA IZAN NAHI DUT
LUR ZAPALDUETAN SUAK ITZALDUZ
EURIA IZAN NAHI DUT BAINA…

ILARGIPEAN BEGIRATZEN ZAITUT GAUETAN
IFAR HAIZEAZ ZUREGANA HELDUZ,
AMESTUZ,AMESTUZ

UR TANTA TXIKI BAT NAIZ
ETA ZUGAN IBAI BIHURTUZ
ITSASORA HELDU NAHI DUT
ZURE LUR ZATITUETAN
SU GUZTIAK ITZALDUZ
ZUREKIN ASKATU NAHI DUT