TXOTXONGILO vs TXONTXONGILO

"TXOTXONGILO(a)" da hitz zuzen bakarra eta "TXONTXONGILO(a)", beste barik, soinuen arteko antzekotasunagatik oker eratutako forma bat.

Hala ere, akats hori hedatu samar dago eta, bilatuz gero, asko eta askotan aurkituko dugu hedabideetan, liburuetan, ikuskizun karteletan eta abarretan. Baita txotxongilo antzezlanak eskaintzen dituzten elkarte eta enpresetan ere... Hemen ez dago aldaki dialektalik ez ezer: bere erabilera ez jakiteari lotuta dago.

Beraz, askotan ikusiko dugun arren, TXOTXONGILO(A) da forma zuzen bakarra eta txontxongilo(a) zuzendu beharreko akatsa.