MAKILA BAT vs MAKIL BAT

---

ETXEA eta NESKA bezalako hitzak ikustean, badakigu lehenengoa ETXE + A moduan zatitu daitekeela baina ez bigarrena: NESK + A (ezinezkoa da). Bestela esanda, ETXE BAT esan genezake baina ez NESK BAT, hitz horren amaierako "a" berezkoa, banaezina, duelako hitzak.

Eta bereizi ezin daitekeen "a" berezko amaiera hori sarritan nahasten da bereizi daitekeen "a" mugatzailearekin (artikulua). Horregatik sarritan egiten dira honelako akatsak:

abantaila bat (baina ez, gaizki dagoelako "abantail bat")

aitona bat (baina ez, gaizki dagoelako "aiton bat")

aitzakia bat (baina ez, gaizki dagoelako "aitzaki bat")

amona bat (baina ez, gaizki dagoelako "amon bat")

anaia bat (baina ez, gaizki dagoelako "anai bat")

animalia bat (baina ez, gaizki dagoelako "animali bat")

arbola bat (baina ez, gaizki dagoelako "arbol bat")

arnasa bat (baina ez, gaizki dagoelako "arnas bat")

balea bat (baina ez, gaizki dagoelako "bale bat")

birjina bat (baina ez, gaizki dagoelako "birjin bat")

botila bat (baina ez, gaizki dagoelako "botil bat")

burdina bat (baina ez, gaizki dagoelako "burdin bat")

dardara bat (baina ez, gaizki dagoelako "dardar bat")

egia bat (baina ez, gaizki dagoelako "egi bat")

eliza bat (baina ez, gaizki dagoelako "eliz bat")

erregina bat (baina ez, gaizki dagoelako "erregin bat")

gaztaina bat (baina ez, gaizki dagoelako "gaztain bat")

giltza bat (baina ez, gaizki dagoelako "giltz bat")

habia bat (baina ez, gaizki dagoelako "habi bat")

heriotza bat (baina ez, gaizki dagoelako "heriotz bat")

hizkuntza bat (baina ez, gaizki dagoelako "hizkuntz bat")

ideia bat (baina ez, gaizki dagoelako "idei bat")

izkina bat (baina ez, gaizki dagoelako "izkin bat")

labana bat (baina ez, gaizki dagoelako "laban bat")

leihatila bat (baina ez, gaizki dagoelako "leihatil bat")

maila bat (baina ez, gaizki dagoelako "mail bat")

makila bat (baina ez, gaizki dagoelako "makil bat")

neskatila bat (baina ez, gaizki dagoelako "neskatil bat")

okela bat (baina ez, gaizki dagoelako "okel bat")

ola bat (baina ez, gaizki dagoelako "ol bat")

ordena bat (baina ez, gaizki dagoelako "orden bat")

panpina bat (baina ez, gaizki dagoelako "panpin bat")

pertsonaia bat (baina ez, gaizki dagoelako "pertsonai bat")

sakela bat (baina ez, gaizki dagoelako "sakel bat" > "salekalo telefonoa")

teileria bat (baina ez, gaizki dagoelako "teileri bat")...

Eta nahasbide hau gutxi balitz, kontuan hartu behar da horrelakoetan HIRU SILABAKOA denean hitza, beste hitz batekin (baina ez adjektiboak) azken "a" barik egon daitekeela, nahiz eta amaierako "a" hori berezkoa izan:

BURDIN AROA (baina ez "burdin bat"), MAKIL DANTZA (baina ez "makil bat"), ELIZ ATARIA (baina ez "eliz bat"), ANAI-ARREBAK (baina ez "anai bat"), ARNAS APARATUA (baina ez "arnas bat")...

Korapilatsua euskalduntze prozesuan dagoenarentzat baina lasai: erabilerak esango digu nola eta noiz erabili.