Atez ateko bilketari bultzada emango dio herrian Lasarte-Oria Bizirik-ek
Lasarte-Oria Bizirik taldeak dokumentu bat ezagutarazi du aste honetan zenbait eskaerarekin: erraustegiaren proiektua sei urtez gelditzeko moratoria, "zero zabor" ekimena, udalak gaikako bilketa bultzatu dezala eta materia organikoaren konpostajea behingoz martxan jarri dadila. Gainera herriko elkarteei aldarrikapen horiekin bat egiteko eskatu die. Lasarteoriabizirik@yahoo.es da euren helbide elektronikoa.
Taldeko kideek gogoratu zuten duela bi urte udalak erabaki zuela gaiari buruzko inkesta egitea eta atez ateko bilketaren froga bat martxan jartzea, baina gero PSOEk bere kabuz erabaki hori bertan behera utzi duela. Apirilean elkartu ziren Jesus Zaballos alkatearekin eta berriro biltzeko geratu baziren ere ez omen dute haren aldetik interesik ikusten.
Iruzkinak
Utzi iruzkina: