Urtarrila, matematikaren bila 2017. Matematika eta traste horiek

Aurtengoan Matematika eta traste horiek izango da Urtarrila, matematikaren bila zikloaren ardatza.

Besteak beste, konputagailuen aurreko kalkulu tresnak ezagutzeko eta erabiltzeko aukera izango dugu (Angel Requena), jolas desberdinen bidez matematika landuko dugu (Ana García Azcárate), kurba historikoak ezagutuko ditugu (Antonio Perez), euskal lehen kalkulagailuak erabiliko ditugu (Jose Luis Etxezarreta eta Goyo Lekuona) eta matematika, sukaldaritza eta nobela beltza lotzeko aukera izango dugu (Xabier Gutierrez). Eta zikloak irauten duen bitartean, III. Lemniskata Matematika Argazki lehiaketako erakusketa izango dugu hainbat herritan ikusgai (Legorretako datak behin behinekoak dira).