Blogak eta Blogariak

Patxi Trapero eta Iban Aranzabal Huhezin

Martxoaren 14an Huheziko fakultatean izan ziren Euskal Herrian dauden bi blogari garrantzitsuenetakoak, Patxi Trapero eta Iban Aranzabal. Beraien esperientzia pertsonalari buruz hitz egiten aritu zitzaizkigun, eta horretaz gain geure bloga kudeatzeko zenbait gomendio interesgarri eman zizkiguten.

Iban Aranzabal Goienaren web horri kudeatzailea da gaur egun. Eta Patxi Trapero berriz, udaltzaina. Denbora luzea daramate biek sarearekin lan egiten, eta gaur egun blogari profesionalak bilakatu direla esan liteke. Horren froga da, beraien blog pertsonalek egunero jasotzen duten bisita kopuru altua.

Biek gomendatu ziguten gure idazkera eta hizkuntzaren erabilera asko zaintzea, geure blogean idazterakoan. Bertan jartzen duguna, edozein pertsonaren eskura bai dago, eta nolabait geure curriculumaren parte baita. Horretaz aparte, interesgarria dela, argazki zein bideoz testua laguntzea azpimarratu zuten.

Ikaslearen ikuspegitik, hizketaldia oso interesgarria, eta batez ere oso baliagarria izan zen. Hilabete batzuk besterik ez daramatzagu blogari bezala, eta jakin minez beterik gauden heinean, bi profesional hauen gomendioak asko aberastu ziguten.