Gure amamaren kruxpetak

Arrasti on! Gaur idaztie arrastiz toketan da-ta.
Gaurko errezetie gure amamak iten auzen buñueloak dire. Egiye esateko, idazten hastien "buñuelo" zelan esaten dan euskera puru-puruan begituten joan naz hiztegire, eta bertan "kausera" eta "kruxpeta" topa dodaz. Baie zer esatie gurozue? Nire akorduen behintzet, gure amamak buñueluek eiten auzen eta ez "kauserak" edo "kruxpetak".
Osagaiak errezak eta gutxi dire:
1- Hiruzpalau arrautz.
2- Urune, -gari urune, noski-, eta batetaki zenbet.
3- Esnie. Nik normalien gaingabetue ibilten dot, hori dalako etxien okiten dotena. Eta zenbet? Oso itaun polite. Dakidanien esango´tsuet.
4- Azukerie, baltza zein zuriye. Ez dautsa ardure.
5- Legamie
6- Eguzkilore olioa
Beno, has gaitezan.
Lelengo ta behin apurtu arrautzek eta sartu holako ontzi handi baten. Bi litrotik gora hartu leikeana.
Ondoren ondo eragin minipimerraz, -turmixe ba´kozue ez dautsa ardure-, eta bardin-bardin itzi.
Ondoren bota koilarakada pare bat urune eta eragin ondo nahasteu arte. Bota urun gehiau eta nahasteu. Lortu behar dana zera da: arautze eta urune holako nahaste lodi bet ia ia ezin dana erabili.
Orduen bota esnie eta irabiatu. -Hamen etentxu bet in biher dot Hiztegi 2000ri eskertzeko hainbeste aditz zoragarri erakutsi eta irakastearren, bera barik Blogen mundue sano ezberdine izingo litxake. Berari esker loraz betetako jardine-. Irabiatzen amaitzen dozuenien holako ore mehetxu bet lotu biher da.
Jarraien urun gehiau bota behar jako eta barriz eragin edo eta irabiatu dan-dana bardin-bardin itzi artino.
Hau momentu hau erabakiorra da. Orain pentseu behar dogu nahikoa dekogun edo ore gehiau biher dogun. Eta hola egin nahikoa dekogule eritzi arte. Askotan eingo bagendu hau agian beste arrautz bat erantsi biherko geunke. Helburue ore loditsu bat da bainakoilara batez eroso erabil daitekeana.
Segituen bizpahiru zopa koilarakada azukre botako´tsagu eta kafe koilarakada bat edo bi legami.
Legamiek berie iten dauen bitartien olioa berotuko dogu irakin arte.
Freidorarik erabili ahal izin ezkero hoba da. Saskiaren beheko parten jarri mertxika pote baten goiko tapie, letoizkoa bada, zeren bestela orea jaustien saskiyari lotu iten jako eta gero ez daure gora igoten. Sartanean in ezkeitino orokorrean zapaltsu lotuten direz eta olioa gutxitu ahala gero ta baltzago. Freidoran kolore problemarik ez da iziten eta ganera forma borobil-borobila koiuten deurie. Askoz be politauek.
Olioak dirakiala, kuxau zopa koilara bat eta bota orea beran bidez. Utzi lau bat minutu eta atara plater batera. Ganera azukerie bota leikie.
Beno, mosuk eta hurrengora arte.