BETI GAZTE MANTENTZEKO MERKATUA

---

 

Lehenengo munduak krema, edertasun tratamenduak, gimnasio eta kirurgia estetikoan xahutzen duen diruarekin hirugarren munduko gosea eta gaixotasunak neurri esanguratsu batean murriztea lortuko litzateke. Kontzeptu hauetan Estatu Batuak diru gehien gastatzen dutenak izan arren, Espainia Europar Batasuneko kirurgia estetikoen ebakuntzetan lehenengo postuan dagoen herrialdea da. Edertasuna guztion esku dagoen kontsumorako objektu bilakatu da. Alegia, bizitza osoan gazte mantenduko garela ziurtatzen diguna.

 

                  .

Sektore sozial guztiak betiko gaztetasunaren merkatua deritzonaren aurrean gailendu dira. Ahal duten guztia bertan inbertitu dute. Hain zuzen ere, badaude hainbat ikerkuntza AEBetan eta Europan urtero kosmetiko erosketetan 20.000 milioi dolar gastatzen direla frogatzen dutenak. Planeta osoko biztanleria hiru aldiz alfabetatzeko aukera emango lukeen kopurua. Madrilgo Pontificia Comillas Unibertsitatean psikologiako doktorea den Elena Gismerok dioenez, “gizarte presio izugarria dago bai argaltasuna lortzeko eta baita gaztetasuna ere. Badirudi zaharkitzea arazo bat dela”.

Giza ikasketek baieztatzen dute gero eta hobeto bereganatzen duela pertsona batek bere gorputza  hobestea hala edo nola, eta zinez, zifra ekonomikoek arrazoia ematen diote. “Giza jarrera oso azkar aldatzen ari da tolerantziarantz, onarketaratz eta normaltzat hartzera lehen onarturik ere ez zeuden gauzetarantz –dio Gismerok-. “Egun, kirurgia estetikoa gizarteak onartutako eta baloratutako zerbait da”.

Merkatu milioiduna

Gauza ezberdinak dira krema bat frogatzea eta aurrera pauso bat ematea ebakuntza bat eginez. Psikologo guztiek bat datoz kirurgia estetikoa positiboa dela esatean bere erabilera txikienak eta zehatzak pertsonaren autoestima arazoa konpontzea lortzen duenean. Hala ere, topa ditzakegun ebakuntza estetikoen artean, merkatu espainolean liposukzioa da ohikoena. Zerrendako hurrengoa bular-protesia jartzea da, horren ostean sudurraren birmoldaketa eta betazalen ukituak gero. Kirurgia estetikoari zuzendutako  bokazio hau Iparrameriketatik inportatu zen, eta edertasuna eguneroko kontsumorako objektu bihurtzea lortu du.

 

Estatu Batuetako eta Europako herritarren artean, kosmetikoetan xahutzen duten 20000 milioi dolarreko kopuruak, planeta osoko biztanleria hiru aldiz alfabetatzeko aukera emango luke.

Espainiako Kirurgia Estetikoko Elkarteak dioenez, 900 milioi euro gastatu zuten espainolek 2001.urtean ebakuntza hauetan. 2004.urtean 350.000 espainolek kirurgia estetikoa egin zuten, urtero mila milioi euro xahutuz, eta honela, Espainia ebakuntza mota hauek gehien praktikatzen dituen Europar Batasuneko herrialdea bilakatuz. Horiek urtero %15ean hazten dira; herrialde honetan lan egiten duten 800 kirurgialari plastikoei esker.

 

Edertasuna, egungo betebeharra

Askotan kanpotik sortzen da edertasuna lortzeko borrokaren irrika. Komunikabideak joku honetan sartzen diren protagonista garrantzitsuenak dira. Pertsona askoren argazki ukituak, faltsuak edota hobetu direnak publikatzen dituzte, horiek guztion imitazio desioak eragitea lortzen dutelarik. Publizitatea ere beste eragile bat baino ez da; betiko gorputz gaztea promestatzen duena.

 

2004. urtean 350.000 espainolek kirurgia estetikoa egin zuten, urtero mila milioi euro xahutuz, eta honela, Espainia ebakuntza mota hauek gehien praktikatzen dituen Europar Batasuneko herrialdea bilakatuz.

 

Gismero doktorearen ustez, edertasun merkatu honen jatorria norberan datza. Zure gorputzarekin pozik sentitzen ez zarenean eta honek segurtasun falta eragiten dizunean .“Gorputz perfektu baten edo gazte baten pertsekuzio obsesiboa da asegaitz eta pozik ez egotea eragiten diguna. Gorputza arazo guztien isla da, eta hori ez ezik, beste edozein hutsuneren konponbide saiakera ere. Hortaz, gorputzaren hainbat atalei eratxikitzen diegu beste esparru bati dagozkion zailtasunak. Sudurreko ebakuntza egiten baduzu ere, barruko segurtasun falta jarraituko duzu izaten. Arazoa benetan aurkitzen den tokian konpondu ez delako”.