Lizardi, Rimbaud etorri duk hitaz galdezka. // ATXAGA-LABOA

Lizardi, Rimbaud etorri duk hitaz galdezka, eta gu ere hire zain geundela esan zioagu, ez hintzela aspaldi azaldu etxetik; eta belatzean eseri gaituk denok

erlojuak janez,

baina mezularia bidali diagu/ Alosko dorrera/ eskailera luzeetan* beleak uxatzen ote hintzen ikus zezan.

gero kanpaiak entzun dizkiagu, zakurrak zaunkaka;

orduan sortu haiz bidetik,

Balantzaka,

eta hirekin aurrez aurre

jarri garenean zerraldo

erori haiz

gure oinetan, eta gorpu gogor hintzen udazkenaren tronuan;

hertsi dizkiagu begiak,

adiorik ez,

eta goizaldean,

muxika hezur batean sarturik,

o petit poete pirotekniarik gabe

lurperatu haugu baratzean.