Herri-galdeketak Sakanan

AHT Gelditu! Elkarlanak egin behar duen prentsa aurreko honen arrazoia Nafarroan AHT-aren inguruan hasiko dugun herri galdeketa dinamika baten hasiera plazaratzea da. AHT Gelditu! Elkarlanak, orain arte AHT-ak kaltetutako Euskal Herriko beste herri batzuetan ekimen hau bultzatu eta bultzatzen ari duen bezalaxe. Dinamika honen helburua AHT-ak kalteturiko herritarrek proiektu honekiko duten iritzia jakin eta gaur egun nafarroako herritarroi botere publikoek ukatzen diguten herri partehartzea bultzatzea da.



Proiektu honekiko E.A.E-ko nahiz Nafarroako alderdi politiko ezberdinek izaten ari duten jarrera salatzen dugu. Orain aste gutxi Urbinako urtarrillak 17-ko manifestaldian Lakuako hirukoak izan zuen jarrera ikusi ahal izan genuen, Nafarroan berriz, azken hilabete hauetako UPN eta PSN-ren arteko ika-mikak, AHT-ren inguruan eman beharreko benetako eztabaida errotik desitxuratzeko ahaleginak direla deritzogu; AHT-ren finantziazio motaren inguruko eztabaida antzuetan ari zaizkigun bitartean, nafarroako gizartearen baitan, proiektu honekiko sortu beharreko eztabaida sakona sahiesten jarraitzen dute; eztabaida honen gako nagusiak garraio, mugikortasun eta lurralde antolaketaren inguruko egungo ereduaren analisian baitan kokatu, ditugun arazoei aurre egin eta gizartearen beharrei nola erantzun; horiexek dira gizarteak dituen benetako erronkak.Honen aurrean, errepresioa, eztabaidari uko egitea eta inposizio izan dira orain arte alderdi politiko hauek gizarteari eskeini dioten gauza bakarra.

UPN-PSN, proiektua babesten duen Ezker Batua eta eten gabe Uxue Barkos-en ahotik AHT-a Nafarroara ekartzearen aldeko adierazpenak egiten dituen NABAI-k, AHT-aren eraikuntzak suposatuko lituzkeen ondorio ekonomiko eta ingurumenari eragingo lizkiokeen kalteak izkutatzen ari dizkigute nafarroako herritarroi. AHT-ak, Euskal Herrian inoiz eraiki den azpiegiturarik eta diru xahuketarik haundiena (9.000 milioi euro) suposatuko luke; proiektu erraldoi hau finantzatzeak nafarroako herritar bakoitzari 5000 euro kostako litzaiguke, guztion poltsikotik zuzenean esku pribatuetara joango litzatekeen dirutza ikaragarria. Bizi dugun krisi garai honetan, kaleratzeak, ERE-ak, soldata murrizketak? ohikoak bihurtu diren honetan, AHT-a bezalako proiektu antisoziala eraikitzea guztiz onartezina dela uste dugu. Diru kopuru izugarri hori hezkuntzan, osasunbidean, zerbitzu sozialetan, etxebizitza politikatan, eta abarretan gastatzea hobe izango litzakeela uste dugu. Proiektu elitista eta inposatu honek gehiengoaren beharren gainetik minoria baten beharrei erantzuten die soilik eta berau bultzatzen dutenek herritarren eta kaltetutako herrien iritziari errespetatzeari uko egin diote.

Gaur hasi eta herri galdeketa bitartean Sakanan izanen diren jardueretan aktiboki parte hartzeko deia luzatzen die AHT Gelditu! Elkarlanak herritarrei; herritarrak izan daitezen demokratikoki proiektu erraldoi hau egin edo ez erabaki dezatenak.

Arbizuko AHT Gelditu Elkarlanaren hitzak

Hemen, elkartzen garen herritar eragile ezberdiñak AHT Gelditu Elkarlanako kideak garen aldetik, denbora luze daramagu, ekimen ezberdiñak bultzatzen Abiadura Handiko Trena egitasmoaren aurrean, informazioa eta eztabaida bultzatzen. Nafar Gobernutik ukatzen den informazioa eta eztabaida eskubidea defenditzen.

Abiadura handiko trenaren egitasmoak kalte eta eragin handiak sortuko ditu ingurugiroan eta gure herrien etorkizuneko garapenean, gureak bezalako herri txikien etorkizuna erabat baldintzatuz. Komunikaziorako azpiegitura izan beharrean gure herriak inkomunikatuko ditu. Abiadura Handiko Trenaren egitasmoa garatzeko orduan ez da informaziorik ez partehartzerik egon. AHT bultzatzen ari diren instituzio ezberdiñek, eta bereziki Nafar Gobernuak, herritarrekin, herriekin eta kontzejuekin kontatu gabe bultzatzen ari dira egitasmoa, hori bai, AHT egiteko behar den diru publikoen zifra astronomikoa jartzeko orduan guztion artean ordainduko genuke, jarrera hau inposizioaren islada argia izaten ari da.

Hau horrela izanik, AHT gelditu elkarlanak, Arbizun eta Lixarrengon, herritarren iritzia entzun eta errespetatu dadin, martxan jarriko du ekimen demokratiko berri bat, sinaduren bilketa abian jartzen dugu herritarren atxikimendua jasotzeko eta udal eta kontzejuari laguntza eskatzeko antolatuko dugun herri kontsulta baten bitartez, gabezi demokratiko honi erantzuna emanez.

Euskal Herriko beste herri eta kontzejuetan gertatu den moduan, gurean ere iritzia plazaratzeko eskubidea dugu, ezin dugu estatu eta Nafar gobernutik INPOSAKETARIK onartu, herritarrek daukagu asko esateko, eta gure iritzia errespetatzeko eskubidea bermatua izan beharko luke.