Gavarnie ingurua

---

Aurten gutxitan iritsi naiz Gavarniera. Leku eder bezain erosoa da, kotxetik jartzen dituzu eskiak udazkenetik hasi eta udaberrira arte. Agian horregatik, urte dexentetan komodina izan delako, aurten gutxitan joan gara bertara, eta guztietan lasterketen inguruan. Cronotoyren bezperan jendetzatik ihesi joan ginen, eta Derby 3000n lasterketa egitera. Bietan demaseko hotza, baina oroitzapen oso onak etorri zitzaizkidan, batez ere munduko kopakoak, nola ez, lehenengo euskalduna izan bait nintzen bertan!
Astebukaera honetan ere komodina izan da. Apirilaren erdian egon arren, Maiatzaren erdiko elur baldintzak daudenez, hau da, elurra altueran bakarrik dagoenez, hasi dira segurtasunagatik negu guztia itxita egoten diren mendi pistak zabaltzen.
Balaitousera doan pista zabaldu zutela enteratu ginen. Halere, aurreko urtean egin genuenez, aurten Vignemale aldera joateko gogoa geneukan Ossue bailaratik. Hau Balaitousekoa baino beranduxeago zabaltzen duten arren, jada bide horren inguruan elurrik geratzen ez denez, zabalik egotea espero genuen.
Barixaku gabian ballakin parez pare topo genduan. Pentsatuta geneukan B plana Gavarniera joatea izan zan.
Aranek gaba txarra pasatu zuenez, bakarrik atera nintzen zapatuan, eta Especieres alderuntz joan nintzen zuzen zuzen. Banekien zer aurkituko nuen bertan, baina halere, berandutxo zen eta eguzkitan zegoen azken malda honek atzera bota ninduen

De 2011 Apirila

Hemendik jeitsi ostean Pic des Tentes igo, egindako ibilbidearen panoramika bat atera eta behera.

De 2011 Apirila

Demaseko aldea dauka St Andre-Pic Lary inguruak Derby 3000 izan zenetik hona eh?
Goizo behean, domekan zer egin pentsatzen hasi ginen.
Aukerak, hemen bertatik Tallon egitea, edo Heas bailarara pasatu eta handik zer egin pentsatzea zen. Horrela joan ginen haruntza. Lehenik Gloriettes lakura igo eta Tucaroya aldera begiratu genuen, Astazu egiteko asmotan edo.

De 2011 Apirila

Argazkia atera eta Troumouseko zirku aldera joan ginen. Hemendik Gabiedou egiteko bidea nola zegoen ikusi nahi genuen eta itxura txarra ez zuen arren, jeitsieran pare bat lekutan elur gutxitxo zegoenez eskiak raiatu edo kendu behar genituela ikusi, eta Tallon egitea erabaki genuen, elurrez primeran dago eta

De 2011 Apirila

Eta horrela joan ginen Komodinera berriz ere, Gavarnieko pistetara. 1900mtara arte igo ginen furgonetan, Tenteseko tontorrera ateratzen den teleaulkiraino. Domekan nahiko goiz atera ginen, eta Tallon Gabietouseko glaziarretik egitea erabaki genuen.
Irudian eskuineko markak jarraitzen Gabietouseko glaziarrera igo ginen.

De 2011 Apirila

Ordurako makina bat jende zegoen Iparretik eta mendebaldetik igotzen, zoom-ari emanez gero mendebaldeko argazki honetan ikus litekeen bezela.

De 2011 Apirila

Hori inbidia. Hurrengorako utzi beharko dugu.
Guk gureari jarraituaz, atzean ageri den diagonaletik igo genuen ondoren.

De 2011 Apirila

Bide hau hartu genuenean, jeitsiera bertatik egingo genuen ez geneukan oso klaru, baina zeharkaldia egin ahala, elurra gogorregia zegoela pentsatu genuen.
Duela urte batzuk, 2005/05/07an Ekarekin Tallon egin ostean bertatik jeitsi ginen, eta orduan berriz egingo ez nuela pentsatu arren, noizean behin har horrek barrua jaten dit, eta aukera dudanean berriz jeisteko desioa etortzen zait, baina orduan elurra hobexeago zegoelakoan nago, nahiz eta alde askorik ez izan.

De 2011 Apirila

Tontorreraino igo ginen eta bertako bistetaz disfrutatu. Hemen goian igartzen da ez dela maiatza, elur dexente geratzen bait da oraindik. Parez pare genuen Perdido eta Escupidera famatua

De 2011 Apirila

Panoramikeri bizioa hartu diodan honetan, Soum des Salettesetik Marboreraino ere atera nuen bat

De 2011 Apirila

Beherako bidea Roland-eko arrailetik egitea erabaki genuen. Leku hau ere magikoa da, zalantzarik gabe! Irudietan ezin da bere edertasuna ikusi, tartetik pasatzeak sortzen duen sentsazioa.

De 2011 Apirila

Sarradetseko aterpea atzean utzi eta Tallonen iparraren azpitik igaro ginen berriz

De 2011 Apirila

Eta hurrengo aste santuan zer egin galdetu didate batzuk. Nola asmatu? Aurten elurra badago, eta altueran pila bat oraindik, baina ni ez naiz akordatzen horrelako elurrik aurkitu dotenik. Astebukaera honetan baldintza oso onak egon dira, gabez ondo hoztu du eta egunez eguraldi ona egin du, baina aste honetan berriz ere beroa omen dator. Leku askotan elurra hori horia dago beroarengatik, eta kriston elurjausiak ikusten dira haitz lerroen azpian, azpiko elur zuria bistan lagatzen dabelarik.
Elurrak jasan daban tenperatura beruek demaseko kanalak sortu ditxue, eta elurra gogortzerakuan kanal hauek oso deseroso egiten dabe eskiatzia. Halere, esanda bezela, oindiok apirilian gaoz, eta eskixak jartzeko orduan maiatzeko baldintzak egon arren, tontorretan apirilian gaozela nabarmena da.
Ez nuke ondorio bat jartzen asmatuko, izan ere, elurra oso desberdin banatuta dagolakuan nago, halere, hemen ingurutik argazki batzuk atara nitxuan astesantua planeatzen ari dan jendian pentsauaz:
Gavarnie herrixan ikusi leikezue maila batetik gora elur dexente dagola

De 2011 Apirila

Otal-Ara inguruan eskiada politxa dago oraindik Bujaruelo ingurutik

De 2011 Apirila

Tallon aldia zer esanik ez!

De 2011 Apirila

Eta hau bezelako tenporada bukaera bati ginda jartzeko aspaldi gordeta daukaten mendebaldeko orientaziua daukan Cambieileko tubua

De 2011 Apirila

Itxen dozuen plana inda ere, ondo pasa aste santua. Gu alpeetatik bueltan berriz ere egongo gera zuekin, Dufour-eko eta Mezzalamako abenturak kontatzeko prest!
Maiatzera arte onddo izan (edo ziza, urtaroarekin bat)