EKONOMIA AZTERTZEN DUTEN BI LAN GAILENDU DIRA JUAN ZELAIA SARIAREN 13. EDIZIOAN

Mitxelko Uranga eta Oskar Aranzabal izan dira «ex aequo» Juan Zelaia XIII. Saiakera Sariaren irabazleak. Biek ere ekonomia alorreko lanak aurkeztu zituzten, nahiz eta ikuspegi desberdinetatik aritu. Urangak merkatuaren erotizazioa eta erotismoaren merkantilizazioa izan du aipagai. Aranzabalek, berriz, XV. mendeko Martin Azpilikueta jakintsuaren alor berri bat atera du argitara, hura ekonomialaria zela ez baitzen ezagutzen.