e-mintzalaguna izan nahi duzu?

AEK eta TOPAGUNEAren artean kudeatzen duten mintzapraktika.org webgunean mintza-taldeak sortzen dira mundu guztiak zehar dauden euskal hiztunentzat. Bidelagunak edo laguntzaileak behar dituzte. Hona hemen bidali digutena:

"e-mintzalaguna izan nahi duzu?
Horrela bada, www.mintzapraktika.org zure aukera da. Sartu, Skype atalean klikatu, izena eman eta listo. Geu jarriko gara zurekin harremanetan eta azalduko dizugu egin beharrekoa. Oso erraza da, ez da deus ordaindu behar eta laguntza handia eskainiko duzu.

Izan ere, e-mintzapraktika egiteko aukera martxan jarri genuenetik hainbat izan dira izena eman duten lagunak eta mintzapraktika taldeak martxan jartzeko ohiko euskal hiztun prestu gehiago behar ditugu.

Antzeko zaletasun eta interesak dituen jendearekin topatzeko beste aukera bat sortu da orain. Lagun berriak egin, solasaldi lasaiak izan, munduan zehar dauden euskaldunak edo euskara ikasleak ezagutu eta beraiekin harremana hartzeko. Mintzapraktikak espazioaren mugak gainditu ditu, animatu eta izan e-mintzalaguna!"