Begoñara ibilaldia

Oin arteko ibilaldi guztiek egunez izen direzan arren, badauz gauezkoak bebai. Kasu honetan idaztera botaten dozkun hauxe moduen.

Urtero iten da, abuztuak 14an, gauerdian urten ta ibiliz helduten da Bilboko Begoña auzoan dauen elizara, Begoña Ama Berjinaren egune dalako ospatuten dana.

Aurten hiru joan garez; Saioa, Maider ta ni. Kuadrilan badau jentea joaten dana urtero, baia oingokoan ezin izen da izen bakotzak beran eginbeharrak euki dauzelako ta, beste baten izengo da...

Esan moduen, gaueko 23:30tan topau garez Mungiko foruen enparantzan. Kolore bizidun petoak imini, ta jende nahikotxu urten garez oinez bidegorritik Zabalondorantza. Tenperatura beroa iten izen dau, 19 ºC inguru.Ordurarte ez dogu izerdirik bota, ta martxa onean joan garez. Zabalondon, betiko errepidetik joan garez, igo ta igo, Artebakarrako gasolinerararte ailega arte. Handik behera Deriorarte, aldapako izerdiak atzean utziz ta erritmoa biziagotuz.

Barrin ailega da baia, aldapa. Oingoan, Santo Domingoko aldapa. Saioak molestiak euki dauz izterrean, baia gogotsu aurrera bota dau, Begoñara fijo helduko dala esanez. Bidean bufalo batzuk be entzun doguz, inguruko etxetako animaliek itzartuz askotan.

Santo Domingoko aldapa be ez da gutzat tamainako eragozpena izen, ta deskantzu bakar batzuk inde ostean hori be pasau dogu. Izerdia bai, bota dogu halan ta guztiz, baia hori erritmo onez joan garezelako izen da.

Begoñara jaitsi garezenean, txozna, txurreri, salmenta postuak, triki ta soinua, jendea... ta gu egarri biziz. Komunek topateko eliz osoari buelta emon dotzegu berauek topau arte, arropak aldatu edota hotzetik babestu ostean, txoznara, pika bila.

Lasai-lasai pika edanda ostean handik ibili garez bueltatxu batzuk emoten, postu bakotzean zer salduten zen ikusten. Mezak hasi direzenean Begoñako Ama Berjinaren jantziaren kolorea ikustera joan garez (zuria bai, zuria) ta autobusan zain egon.

Autobusean bueltau garez peajea pagauta ostean. Bueltako bidean, etxera oinez doan jentea ikusi dogu ta pena emon dozku akabuen, buelta be oinez iteak mereziko zauela konturatu garezenean, baia hori beste baten izengo da... aurtengoan, hirurok pozik egindakoaz... ta hurrengoa itzaroten gauz, ezta?