Zezena vs gizakia

Aspaldian eztabaida sortu du, beste hainbat konturen artean (nola gustatzen zaigun ados ez egotea) zezenketen kulturak. Nik zezenketaren alde edo kontra jarri beharrean, beste kontutxo bat plazaratu nahiko nuke. Egia esan askorik ez dut ulertzen baina galdera bat planteatu nahiko nuke.

Aste honetan, zezenak izen handiko toreatzaile bat harrapatu du eta hasiera batean bere bizia ere arriskuan ikusi dute. Baina ez al dute goraipatzen gizona zezenaren aurrean jartzea? Ez al dira hain ausartak, hain abilak? Zezenaren aldeko aldarrikapen bat egin nahiko nuke.

Zezen plazaren erdira ateratzen dira itsu-itsuan. Normalean gainera, ez dira ehuneko ehunean egoten eta ez beraiengatik, zerbait ematen dietelako baizik. Gizonak alde horretatik abantaila du, ez badago ondo ez da ateratzen eta punto. Ez da ezer gertatzen. Biak hor aritzen dira nor baino nor biziraupena helburu. Berriro ere desabantailan zezena, hasieran beste toreatzaile batzuk xaxatzen baitute bera nekatuz. Baina batzuetan hainbeste tranpa jasanda ere garaile ateratzen da zezena. Eta orduan zezenarekin zer gertatzen da? Ez al luke betirako indultatua izan behar?

NI zezenketen alde egongo nintzen egoera beretsuetan egingo balute borroka. Zezena eta bere adarrak vs gizona eta estoka. Orduan ea non gelditzen diren ausart uste horiek.