Ama, parlamentari izan nahi dut!

Atzo albistegia ikusten ari nintzela, krisiaren izenean eginiko murrizketen  inguruan eginiko espainiar parlamentuko berria eman zuten. Justu antzean atera zutela aurrera sozialistek aurrera beraien neurri ekonomikoa, Zapatari kinka larrian dagoela… Baina nire barneko bonbila piztu zuena ez zen hori izan, berria ematerakoan datu interesgarri bat helarazi ziguten. Gaur ez du inork huts egin parlamentuko saiora. Hori ere albiste bezala eman zuten. Hau entzunda honako gogoetak egin nituen.

Parlamentariek ez dutela beraien lana betetzen argi geratu zen. Besteok ( herri xeheak) lanera huts egiten badugu, esplikazioak eman behar izaten ditugu eta bere ondorioak ekar ditzake. Hauek ere beti egon beharko lukete beraien postuetan, gustatu ala ez. Beraien betebeharra baita edozein lege bozkatzea, aztertzea, kritikatzea. Horretarako izan dira hautatuak. Baina beraiek nahi dutena egiten dute eta denak joaten direnean notizi bihurtzen da. Lotsagarria benetan. Isunen bat jarri beharko litzateke edo soldaten murrizpena. Gogora etorri zitzaidan nola euskeraren inguruko lege bat bozkatzen ari zirela Nafarroako parlamentuan, Nafarroa baiko hautetsi bat falta zela. Arrazoia mendian zegoela, esaiozu hori zure nagusiari eta gero kontatu esperientzia.

Austeritatea eta murrizketak bozkatzen ari diren honetan, zergatik ez dute beraiek lehenengo pausua ematen? Beraien lana ez dute ondo betetzen eta hori gutxi balitz, soldata altuak dituzte herritar xehearekin konparatuz. Kotxe ofizialak dituzte, txofer eta guzti, honek dakarren kostuarekin. Gure kontura zenbat kontu ez ofizial ordainduko ote zituzten batek daki. Hau guztia, Madrila joan eta hiru txotxongilori diskurtsoa entzuteagatik, zer esango ote du gauez 8 ordu katean egoten denak.

Lotsagarria da politikoen jarrera eta salatu beharrekoa iruditzen zait. Beraiek eraman gaituzte zulo honetara eta guk nabarituko dugu. Beraiek oraindik hor jarraituko dute beraien trajeekin mundua konpontzeko behatzik mugitu gabe edo mugitzen (e Iturgaitz!). Total, beraiek ez dute nabaritzen aldaketarik. Handitan parlamentari izan nahi dut!

P.D.: Monarkia bizkarroia ez dut aipatu ere egin artikuluan bi arrazoirengatik. Aurrenekoa, azken gertakizunen karietara, agian atxilotu egingo nautelako eta bigarrena artikulu oso bat beharko nukeelako beraien bidegabekeriak azaltzeko.