PUBLIZITATE SEXISTARIK EZ!!!!

PUBLIZITATE DUINA GURE ESKUBIDEA! Urte osoan zehar sufritu behar dugu emakumeok publizitatearen erasoak, baina egoera hau, gabonen inguruan areagotu egiten da. Izan ere, geure herriko kaleetan, egunkarietan, telebistetan egunerokoan aurkitzen dugun publizitateak, gure duintasuna kolpatzen du zuzen zuzenean. Publizitateak objektu soiletan bihurtzen du emakumea, historikoki sistema honek inposatu dizkigun rol eta eginkizunen mezuak bidaltzen ditu, eta izan beharko ginatekeen emakume eredu konkretua inposatzen digu. - Garbiketa produktuak, sukaldeko elektrodomestikoak, janari anuntzioak,... Publizitateak, emakumea agertarazten du etxekolan guzti hauek egitearen arduradun. - Honekin batera, familien zaintzaile nagusi bezela agertzen gara. Ezeren aurretik ama, emazte eta alaba bikainak izan behar gara. Noizko gizonak eta emakumeak familia barruan, etxe barruan berdintasunean agertaraziko duen publizitatea? Gizona, naturaltasunez, erratza pasatzen, harrikoa egiten, hautsa kentzen, umeak edo familiako beste pertsonak zaintzen agertaraziko duen publizitatea? - Zimaurren aurkako kremak, kolonia, perfume, arropenak, dieta egiteko hamaika produktuenak,... Arropa eta kosmetikoen industriak, emakumeok euki beharreko aparientzia zein den esaten digu bere anuntzioetan. Noizko emakume ereduen aniztasuna agertaraziko duen publizitatea? Emakume altuak, baxuak, argalak, potolak, zaharrak, gazteak,... agertaraziko duen publizitatea? Gero batek baino gehiago harritu egingo da anorexia edo bulimia bezalako gaixotasunen areagotzearekin, emakume gazteek argal eta guapa egoteko duten obsesioarekin. - Emakueon independentzia faltsua irudikatzen duen anuntziorik ere ez da falta. “Ejecutiva agresiva” eredu horretaz hitzegiten ari gara, non emakumean nahiz eta botere apur bat eskuratu izan, etxekoandre, emazte,.., izaten jarraitzen duen. Hau ez da guk exijitzen dugun berdintasuna. Gizonezkoek dituzten aukera berdinak izatea da berdintasun aferaren gakoa, ez beraien berdinak izatea. - Familia ereduari dagokionean ere, egoera ez da obeagoa. Publizitateak aurkezten digun famili eredua bat eta bakarra da, guztiz uniformea. Ama, aita, eta bi seme alaba: neska eta mutila. Denak oso guapoak, zoragarriak, arazorik gabeko familiak aurkezten dizkigute, zoriontsuak,... Zoriontasun hau, ahalmen ekonomiko edo materialekin lotzen delarik askotan. Noizko jendartean, geure inguruan dauden famili eredu ezberdinak agertaraziko duen publizitatea? Ama edo aita bakarrak seme edo alabarekin, emakume edo gizonen bikoteak, guraso banatuak, seme bakarra, hiru semealaba dituzten familiak, pertsona bakarrak,... agertaraziko duen publizitatea? - Umeei dagoekionean, egoera ere larritzeko modukoa da. Gabonen inguru honetan, telebistan umeei zuzenduriko anuntzioak zelakoak diren ikusi dezakegu guztiok. Neskentzako negar, kaka, jan, txisa,... egiten duten panpinak, kotxekapotak, imaginatu dezakegun sukaldeko elektrodomestiko mota guztiak,... Txiki txikiak direnetik, beraien funtzioa zein izango den barneratu dezaten. Mutilentzako ordea, kirola egiteko materiala, bideojokuak, gerrarako materiala,... dana biolentziaz josia. Noizko umeak berdintasunean hezitzen lagunduko duen publizitatea? Neska eta mutilen arteko bereizketarik agertaraziko ez duena? Noizko neskoi, txikitatik bizitza honetan bete beharko dugun funtizo eta rolik inposatuko ez digun publizitaterik? Noizko mutilak panpinekin jolasten, hauek zaintzen eta neskak futbolean aritzen agertaraziko duen publizitatea? Noizko emakumeon duintasuna errespetatuko duen publizitatea? Geure duintasuna kolpatzen duten estereotipo guzti hauekin amaitu behar dugulako, emakumeak errespetatu eta era duin batetan tratatuko duen publizitateta exigitu eta lortu behar dugulako, bilgune feministak, emakumeoi ahotsa ematearen helburuarekin, dinamika berri bat abiaraziko du abendu eta urtarrila bitartean. Bertan publizitate sexista erabiltzen duten komertzio edo enpresei zalaketa bideratzeko intentzioarekin, erreklamazio orriak atera ditu. Emakumeoi geure estetika edo atera berri den azkenengo garbigailua baina askoz gauza gehiago interesatzen zaigulako. Egoera honekiko zeure ezadostasuna, amorrua, azalarazi nahi baduzu beraz, aurrera eramango diren ekimenetan partehartzera animatzen zaitugu.