ZINE ESTREINALDIA: RH+ Sevillako banpiroa

---

Gaur estreinatzen da umeentzako filme hau. Baina ez Gasteizen. Hau ikustera joan nahi duenak kotxea har dezala Gorbeia gune komertzialeko Yelmo zinemetara joateko.

Gogoratuko dizuegu filme honen nondik norakoak:
2008-10-17 RH+ Sevillako banpiroa

Manuel Malasangre Jaunari eta bere familiari etxera bueltatzeko aukera sortzen zaie, gaztelu alemaniar batean 500 urtez, Frankfurteko Von Salchichen kondeen zerbitzura lanean egon ondoren. Interneten bidez Sevillan, beraien jaioterrian, gaztelu bat erosi dute. Tamalez bueltako bidaian Sevillara heldu beharrean New Yorken lur hartzen dute. Hiri erraldoi horretan abentura berri eta ezberdinak biziko dituzte, martiztarrekin,  inmobiliarietako espekulatzaileekin eta Ameriketako Banpiroen sindikatuarekin. Amaieran ezustekoak harrapatuko gaitu.



Eta hona hemen trailerra... ingelesez, ez dutelako inora igo ez euskaraz ez gazteleraz... espainian eginiko filma bada ere. Nork ulertuko ditu zine banatzaileak?

Printzipioz filmak ez du itxura oso txarrik, animazioa nahiko duina bada behintzat. Ikusi beharko nola geratu den azkenean filma.

Bestetik, badaude komentatzekoak, bereziki promozioarekin zer ikusiak dutenak. Euskaraz badago filme hau? Filmaren webgune ofizialean begiratuko bagenu, euskarazko bertsioa ez da ezta aipatzen. Euskaraz estreinatzen bada, webgunea euskaraz beharko luke ere, baina gutxienez nonbait jar dezala "Euskaraz ere".

Euskal banatzailearen webgunean euskaraz aipatzen da filma, baina ez da nahikoa, webgune ofiziala webgune ofiziala da. Seriozki euskarazko zinema badela eta euskara zineman normalizatzeko, ezin bestekoa da promozioko arlo guztietan euskara agertzea.

Bartonek ETB-en iragarkia jarri du. Ongi dago hau... baina ez dadila gertatu beste batzuetan bezala gaztelerazko kateetan iragarkia jartzea gazteleraz eta inon ez jartzea "euskaraz ere" leloa.

Ea pixkana pixkanaka ongi egiten hasten garen gauzak, ez da nahikoa filma euskaratzearekin, hau ongi promozionatzea beharrezkoa da.